ᓄᓇᕗᑦ − ᑲᓇᑕᒥ ᐊᖏᓛᖑᔪᖅ, ᐊᔾᔨᐅᖏᓛᖑᓪᓗᓂ, ᐊᒻᒪ ᐊᖏᕋᕆᔭᐅᔪᖅ ᐃᓄᓐᓄᑦ ᐊᕐᕌᒍᓄᑦ 4,000- ᖑᓗᐊᓕᖅᑐᓂᑦ. ᑎᑭᔪᒻᒪᑕᓂ ᓄᐊᔅᒪᓐ 1,000 AD, ᓂᐅᕕᕐᕕᑯᓐᓄᑦ ᕿᓯᓕᕆᖃᑦᑕᑎᓪᓗᒋᑦ 1800-ᖏᓐᓂ, ᑕᕆᐅᑉᑲ ᐊᑭᐊᓂᒥᐅᑕᓄᑦ ᖁᑦᑎᑦᑐᖅ ᐊᖅᑯᑎᖓᖅᑐᑎᑦ 1906, ᓄᓇᕗᑦ ᕿᓂᕐᕕᒍᒥᓇᖅᓯᒪᔪᖅ.

ᓄᓇᕗᑦ − ᑲᓇᑕᒥ ᐊᖏᓛᖑᔪᖅ, ᐊᔾᔨᐅᖏᓛᖑᓪᓗᓂ, ᐊᒻᒪ ᐊᖏᕋᕆᔭᐅᔪᖅ ᐃᓄᓐᓄᑦ ᐊᕐᕌᒍᓄᑦ 4,000- ᖑᓗᐊᓕᖅᑐᓂᑦ. ᑎᑭᔪᒻᒪᑕᓂ ᓄᐊᔅᒪᓐ 1,000 AD, ᓂᐅᕕᕐᕕᑯᓐᓄᑦ ᕿᓯᓕᕆᖃᑦᑕᑎᓪᓗᒋᑦ 1800-ᖏᓐᓂ, ᑕᕆᐅᑉᑲ ᐊᑭᐊᓂᒥᐅᑕᓄᑦ ᖁᑦᑎᑦᑐᖅ ᐊᖅᑯᑎᖓᖅᑐᑎᑦ 1906, ᓄᓇᕗᑦ ᕿᓂᕐᕕᒍᒥᓇᖅᓯᒪᔪᖅ.

“ᓄᓇᕗᑦ ᑐᑭᖃᖅᑐᖅ “ᓄᓇᕗᑦ” ᐃᓄᑦᑎᑐᑦ − ᐅᖃᐅᓯᖓ 70−ᐳᓴᓐᑎᓄᑦ ᓄᓇᕗᒻᒥᐅᑕᓄᑦ – ᑐᓐᖓᓱᒋᑦ ᓄᓇᑦᑎᓐᓄᑦ!”

ᐃᓕᓐᓂᑦ ᖃᐃᖅᑯᔨᔪᒍᑦ ᕿᒥᕐᕈᓗᑎ ᐃᓚᖓᓐᓂᑦ ᐊᖏᓚᒥᑦ, ᐊᒻᒪ ᑕᑯᒥᓇᖅᑐᒥᑦ ᐅᐸᑕᐅᓱᓂᑦ ᓄᓇᕐᔪᐊᒥᑦ ᖃᐅᔨᓗᒋᑦ ᐅᑭᐅᑕᖅᑐᒥ ᐆᒪᔪᐃᑦ ᐊᒻᒪ ᓄᓇᖓ. ᐊᒻᒪ ᐃᓄᐃᑦ ᐃᓕᖅᑯᓯᖏᓐᓂᑦ. ᐅᕙᑦᑎᓐᓄᑦ ᐱᖃᑕᐅᓚᐅᖅᑎᓪᓗᑎᑦ, ᑕᐸᐃᕐᓂᐊᖅᑐᑎᑦ ᑕᑯᔅᓴᐅᑎᐊᖅᑐᓂᑦ ᐊᖅᓴᕐᓂᓂᑦ ᓯᓚᕐᔪᐊᑉ ᖄᖓᓂ.

ᐃᓄᑦᑎᑐᑦ, ᐊᑐᖃᑦᑕᖅᑕᕗᑦ ᐅᖃᐅᓯᖅ “ᐃᓕᖅᑯᓯᖅ” ᑐᑭᖃᖅᑐᖅ “ᐃᓕᖅᑯᓯᕆᔭᐅᔪᓂᑦ” ᐱᔾᔪᑎᖃᖅᑐᖅ ᐱᖅᑯᓯᑦᑎᓐᓂᑦ ᐊᒻᒪ ᐃᓅᓯᕆᔭᑦᑎᓐᓂᖅᑦ.

ᓄᓇᕗᑦ ᐊᖏᕋᕆᔭᐅᔪᖅ ᐊᒥᓲᓛᖑᓪᓗᑎ ᓴᓇᖑᐊᖅᑏᑦ ᐃᓄᒋᐊᓐᓂᖏᑎᒍᑦ ᑲᓇᑕᒥ. ᐊᑐᕐᓗᒍ ᐃᓄᐃᑦ ᓴᓇᖑᖏᐊᒐᑦᑎᐊᕙᖏᑦ, ᓴᓇᔭᐅᓯᒪᔪᑦ ᐊᒻᒪ ᑕᑯᕋᓐᓈᑎᑦᑎᓂᕐᒥᑦ ᐅᐸᓪᓗᒋᑦ ᓄᓇᓕᒻᒥ ᓇᖑᐊᖅᑏᑦ ᖃᐅᔨᓗᒋᓪᓗ ᖃᓄᖅ ᓴᓇᖑᐊᐸᒻᒪᖔᑕ. ᒪᐅᖓᕐᓂᐅᔪᖅ ᐃᓚᒋᔭᕆᐊᖃᖅᑕᖓ ᓯᓚᒥ ᐊᐅᓪᓚᖅᓯᒪᓂᕐᒥᑦ! ᓄᓇᒥᑦ ᓯᓂᑦᑕᕐᓗᓂ ᐊᐅᓪᓚᕈᔾᔨᔨᓄᑦ ᓄᓇᕗᒻᒥ ᑕᑯᒥᓇᑦᑎᐊᖅᑐᒥᑦ. ᐊᐅᓪᓚᕈᔾᔨᖃᑦᑕᖅᑐᑦ ᕿᒧᔅᓯᒃᑯᑦ ᐊᒻᒪ ᓯᓈᓕᐊᕐᓂᖅ ᑕᑯᒍᓐᓇᖅᓯᓗᒋᑦ ᐊᒥᓱᑦ ᐃᒪᕐᒥᐅᑕᐃᑦ ᐆᒪᔪᐃᑦ ᐅᕝᕙᓘᓐᓃᑦ ᐱᓱᒍᓐᓇᕐᒥᔪᑎᑦ ᒥᕐᖑᐃᓯᕐᕕᒃᑯᑎᒍᑦ ᓄᓇᕗᒻᒥ. ᐊᖑᓇᓱᐊᖃᑕᐅᓗᑎᑦ ᐊᒻᒪ ᐃᖃᓗᒐᓱᓪᓗᑎᑦ, ᐅᕝᕙᓘᓐᓃᑦ ᐃᓚᒋᔭᐅᓗᑎ ᐆᒪᔪᕋᓱᑐᐃᓐᓇᓂᕐᒧᒥᑦ ᐊᒻᒪ ᐃᖃᓗᒐᓱᑐᐃᓐᓇᓂᕐᒧᑦ. ᓄᓇᕗᒻᒥ ᑕᑯᔭᔅᓴᖅᑕᖃᑦᑎᐊᖅᑐᖅ ᐱᓕᕆᕕᔅᓴᖅᑕᖃᖅᑐᓂᓗ.

ᐃᓄᑦᑎᑐᑦ ᐅᖃᐅᓯᖓ ᐆᒪᔪᓄᑦ “ᓂᕐᔪᑏᑦ” ᐊᒻᒪ ᑎᒻᒥᐊᓄᑦ “ᑎᒻᒥᐊᖅ” − ᐊᒥᓱᓂᑦ ᑕᑯᒍᓐᓇᓂᐊᑐᑎ.

ᓄᓇᕗᑦ ᐃᑉᐱᒍᓱᑦᑎᐊᖅᑐᖅ ᐱᔪᒪᓂᖃᖅᑐᓂᓗ ᐅᑭᐅᑕᖅᑐᒥᑦ ᐆᒪᔪᖏᓐᓂᑦ ᓄᓇᒋᔭᖓ − ᐃᒪᐃᓐᓇᒥᓪᓘᓐᓃᑦ − ᐊᖏᕋᖅ. ᐊᑕᐅᓯᐊᕐᓗᑎᑦ ᒪᕐᕈᐊᑎᕐᓗᑎᓪᓘᓐᓃᑦ ᑕᑯᓚᐅᖅᓯᒪᓂᐊᖅᑐᑎᑦ ᕿᓚᓗᒐᕐᓂᑦ, ᑑᒑᓖᑦ, ᓇᓄᐃᑦ, ᑐᑦᑐᐃᑦ, ᐅᒥᒻᒪᐃᑦ, ᒥᑏᑦ. ᐊᒥᓱᐃᓪᓗ ᑕᑯᓂᐊᖅᑕᑎᑦ ᐊᐅᓪᓚᖅᓯᒪᓂᕐᓄᑦ ᖃᐅᔨᒪᓂᖃᑦᑎᐊᖅᑐᓄᑦ ᐊᐅᓪᓚᕈᔾᔨᔨᓄᑦ.

ᑎᓴᒪᐅᔪᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ − ᐃᓄᑦᑎᑐᑦ. ᖃᓪᓗᓈᑎᑐᑦ, ᐅᐃᕖᑎᑐᑦ ᐊᒻᒪ ᐃᓄᐃᓐᓇᖅᑐᓐ, ᐅᖃᐅᓯᐅᔪᖅ ᐱᖓᓐᓇᖅᐸᓯᒻᒥ ᓄᓇᓕᓐᓂᑦ ᓄᓇᕗᒻᒥ.

“ᐱᒻᒪᕆᐅᓛᖑᔪᖅ ᐃᓄᑦᑎᑐᑦ ᐅᖃᐅᓯᐅᔪᖅ “ᐄ” ᑐᑭᖃᖅᑐᖅ “ᐊᖏᖅᑐᖅ” ᖃᔭᖅᑐᖁᔭᐅᒍᕕᑦ ᐊᐅᓪᓚᕈᔾᔨᔨᑎᓐᓄᑦ, ᑭᐅᑦᑎᐊᓂᖅᐹᕆᒐᔭᖅᑕᐃᑦ “ᐄ”

ᓄᓇᓯᐅᑏᑦ ᕿᒪᒋᐊᖃᓂᐊᖅᓱᑕᐃᑦ ᑕᒪᐅᓐᖓᕐᓗᑎᑦ. ᓄᓇᕗᑦ ᐅᐸᒐᔅᓴᑐᐊᖑᔪᖅ ᖃᖓᑕᓲᒃᑯᑦ ᐃᒪᒃᑯᓪᓗ − ᓄᓇᕗᒻᒥ ᐊᑐᕆᐊᑯᑖᖅᑕᖃᖏᑦᑐᖅ ᐊᓯᖏᓐᓄᑦ ᑲᓇᑕᒨᖓᔪᓂᑦ. ᐱᒡᒐᓇᖏᓛᖑᔪᖅ ᓄᓇᓕᓐᓅᖃᑦᑕᕐᓗᓂ ᖃᖓᑕᓲᒃᑯᑦ, ᐅᒥᐊᒃᑯᑦ ᖃᒧᑕᐅᔭᑯᓘᓐᓃᑦ.

ᐃᓕᓐᓂᑦ ᐃᑲᔪᕈᒪᓂᐊᖅᑐᒍᑦ ᐸᕐᓇᓪᓗᑎ ᓄᓇᕗᒻᒨᕐᓗᑎᑦ ᐃᓚᒋᔭᐅᔪᖁᑎᑦᑎᒍᑦ. ᓚᐃᓴᓐᓯᖃᖅᑐᑦ ᐃᓚᒋᔭᐅᔪᑦ ᑐᓂᓯᓗᑎᑦ ᐊᔾᔨᒌᖏᑦᑐᓂᑦ ᐊᔾᔨᖏᑦᑐᓂᑦ, ᐊᑦᑕᓇᖏᑦᑐᒥᑦ ᐊᓪᓚᕈᔾᔭᐅᓯᒪᓂᕐᒥᑦ ᐊᑐᕐᓗᒋᑦ ᐃᓄᐃᑦ ᐱᖅᑯᓯᖏᑦ, ᐱᖅᑯᓯᑐᖃᖏᑦ ᐊᒻᒪ ᑕᒪᓐᓇᑦ ᓄᓇᑦᑎᐊᕙᒋᓂᕋᖅᑕᕗᑦ.

ᐃᓄᑦᑎᑐᑦ, ᐊᑐᖃᑦᑕᖅᑕᕗᑦ ᐅᖃᐅᓯᖅ “ᐃᓕᖅᑯᓯᖅ” ᑐᑭᖃᖅᑐᖅ “ᐃᓕᖅᑯᓯᕆᔭᐅᔪᓂᑦ” ᐱᔾᔪᑎᖃᖅᑐᖅ ᐱᖅᑯᓯᑦᑎᓐᓂᑦ ᐊᒻᒪ ᐃᓅᓯᕆᔭᑦᑎᓐᓂᖅᑦ.

ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᒥᔅᓵᓄᑦ

ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᑮᓇᐅᔭᓕᐅᕋᓱᐊᕐᓇᑎ ᐃᓚᒋᔭᐅᔪᓄᑦ ᑲᑐᔾᔨᖃᑎᒌᖑᔪᖅ ᑲᔪᖏᖅᓴᐃᔪᖅ ᐳᓚᕋᖅᑐᓕᕆᓂᕐᒥᑦ ᐱᔨᑦᑎᖅᑐᑎ ᐊᔾᔨᐅᖏᑦᑐᓂᑦ ᖃᐅᔨᒪᓂᐅᔪᓂᑦ ᐊᒻᒪ ᐊᔪᖏᓐᓂᕆᔭᐅᔪᓂᑦ ᑎᓴᒪᓪᓗᐊᑕᕐᓂᑦ: ᓂᐅᕐᕈᑎᖃᕐᓂᖅ, ᖃᐅᔨᓴᕐᓂᖅ ᐊᒻᒪ ᑐᓴᐅᒪᔾᔪᑎᓕᕆᓂᖅ, ᓂᐅᕈᑕᔅᓴᐅᑦᑕᐅᑎᒋᓗᑎ, ᐊᒻᒪ ᑭᒡᒐᖅᑐᐃᓂᖅ. ᐃᑲᔪᖃᑦᑕᖅᑐᒍᑦ ᐊᒻᒪ ᓴᖅᑭᔮᖅᑎᑦᑎᓂᕐᒥᑦ ᐃᓚᒋᔭᐅᔪᓄᑦ ᓂᓕᐅᕕᐊᔅᓴᖏᓐᓂᑦ ᐱᔨᑦᑎᖅᑕᖏᓐᓂᓪᓗ ᓯᓚᕐᔪᐊᒧᑦ.

 

ᓄᓇᕗᑦ ᐳᓚᕋᖅᑐᓕᕆᔨᒃᑯᑦ ᐱᓕᕆᖃᑎᖃᖅᐸᑦᑐᑦ ᒐᕙᒪᒃᑯᓐᓂᑦ ᐊᒻᒪ ᐳᓚᕋᖅᑐᓕᕆᔨᓂᑦ ᓴᖅᑭᔮᖅᑎᑦᑎᓗᑎ ᐳᓚᕋᖅᑐᓕᕆᓂᕐᒥᑦ, ᑮᓇᐅᔭᓕᕆᓂᕐᒧᑦ ᐱᕈᖅᑎᑦᑎᓂᕐᒥᑦ, ᐱᖅᑯᓯᓂᑦ ᐱᐅᖅᓱᐊᑎᑦᑎᓂᖅ ᐊᒻᒪ ᐃᓅᖃᑎᒌᓐᓂᕐᒧᑦ ᐃᑲᔫᑎᐅᔪᑦ ᓄᓇᕗᒻᒥᐅᓄᑦ.

ᑕᒫᓃᑦᑐᒍᑦ ᑭᐅᒍᓐᓇᕐᓗᑕ ᐊᐱᖅᑯᑎᔅᓴᖃᑐᐊᕈᕕᑦ ᐳᓚᕋᖅᑐᓕᕆᓂᕐᒧᑦ ᒥᔅᓵᓄᑦ ᐊᒻᒪ
ᐱᓕᕆᖃᑎᒌᔾᕕᔅᓴᐅᔪᓐᓇᖅᑐᓂᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᑎᑎᕋᕐᕕᒋᓗᒍ ᖃᕋᓴᐅᔭᒃᑯᑦ info@nunavuttourism.com.

ᐃᓚᒋᔭᐅᓕᕈᓐᓇᓂᕐᒧᑦ ᑐᑭᓯᒋᐊᕈᑏᑦ

ᓇᒻᒥᓂᖃᖅᑮᑦ ᐳᓚᕋᖅᑐᓕᕆᓂᕐᒥᑦ ᐅᕝᕙᓘᓐᓃᑦ ᐱᒋᐊᖅᓯᔪᒪᕕᑦ? ᐃᓚᒋᔭᐅᓂᖅ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᖃᓄᐃᑦᑐᑐᐃᓐᓇᕐᓂᑦ ᐃᑲᔪᕈᑎᐅᓂᐊᖅᑎᑐᑦ ᓇᒻᒥᓂᕆᔭᕐᓂᑦ ᑲᔪᓯᑦᑎᐊᑎᑦᑎᓂᐊᖅᑐᒥᑦ.

ᐃᓚᒋᔭᐅᔪᓄᑦ ᐃᑲᔫᑏᑦ:

  • ᐊᑭᑭᓪᓕᒋᐊᐅᕈᑏᑦ ᖃᖓᑦᑕᐅᑎᓄᑦ ᑲᓇᐃᑎᐊᓐ ᓄᐊᑦ, ᕘᔅᑦ ᐃᐅ, ᐊᒻᒪ ᑳᒻ ᐃᐅ.
  • ᑮᓇᐅᔭᖅᑐᓗᐊᖏᑦᑐᑦ ᓇᓪᓕᐅᒃᑯᒫᑦ ᒥᑭᔪᓄᑦ ᐊᐅᓪᓚᕈᔾᔨᔨᓄᑦ ᓇᓪᓕᐅᒃᑯᒫᓄᑦ ᐱᓕᕆᐊᖅ
  • ᐊᑭᖃᖏᑦᑐᒥᑦ ᓴᖅᑭᔮᖅᑎᑕᐅᔪᑦ ᐸᕐᓇᐅᑎᓂᑦ ᐊᒻᒪ ᐃᕐᖏᓐᓈᕈᑎᒃᑯᑦ
  • ᓂᐅᕐᕈᑎᖃᖅᑎᑦᑎᓂᕐᒧᑦᐃᑲᔪᖅᑕᐅᓂᕐᒧᑦ ᐱᓕᕆᐊᖅᐊᔾᔨᖑᐊᑦᑎᐊᕙᐃᑦ ᐊᒻᒪ ᑕᕐᕆᔭᐃᑦ ᓄᓇᕗᒻᒥ ᐳᓚᕋᖅᑐᓕᕆᔨᒃᑯ ᐅᖃᓕᒫᒐᖃᕐᕕᖓᓂ
  • ᐃᓕᓐᓂᐊᕐᓂᖅ
  • ᑐᕌᖅᑎᑕᐅᓗᑎ ᓇᒻᒥᓂᕆᔭᖓ − ᐊᔾᔨᖏᓐᓂᑦ ᐱᓕᕆᓂᖃᖅᑐᒍᑦ ᓂᐅᕕᕈᓐᓇᑐᐃᓐᓇᕆᐊᖃᖅᑐᓂᑦᐳᓚᕋᖅᑎᐅᑐᐃᓐᓇᕆᐊᖃᖅᑐᓂᓪᓘᓐᓃᑦ;
  • ᐊᒥᓱᒃᑯᓃᓪᓗ!

ᓄᓇᕗᒻᒥ ᐳᓚᕋᖅᑐᓕᕆᔨᒃᑯᓐᓄᑦ ᐃᓚᒋᔭᐅᓂᖅ ᓄᑕᐅᓐᖑᖃᑦᑕᕆᐊᓖᑦ ᐊᕐᕌᒍᑕᒫᑦ. ᒪᕐᕈᐃᖑᔪᑦ ᐃᓚᒋᔭᐅᔪᑦ ᐊᒻᒪ ᐊᑭᓕᕆᐊᓖᑦ:

  • $60 ᓇᒻᒥᓂᕆᔭᐅᔪᓄᑦ ᑮᓇᐅᔭᓕᐅᕐᓂᖃᖅᑐᓄᑦ ᑐᖔᓂ $75,000 ᐊᕐᕌᒍᑕᒫᑦ
  • $180 ᓇᒻᒥᓂᕆᔭᐅᔪᓄᑦ ᑮᓇᐅᔭᓕᐅᕐᓂᖃᖅᑐᓄᑦ ᐅᖓᑖᓂ $75,000 ᐊᕐᕌᒍᑕᒫᑦ

ᐱᔭᔅᓴᐅᔪᑦ ᐃᓚᒋᔭᐅᔪᓄᑦ ᐃᑲᔫᑏᑦ ᖃᓪᓗᓈᑎᑐᑦ ᐅᕝᕙᓘᓐᓃᑦ ᐃᓄᑦᑎᑐᑦ.